Верувам дека повеќето луѓе се запознаени со терминов, а оние кои не се, ќе се обидам да им опишам колку што можам поедноставно.

На пример постои голема фирма која се занимава со произвотство на столици, таа фирма нема произвотствени погони и така ангажира помали фирми кои ќе ги произведуваат полу-производите a потоа големата фирма ги склопува и ги продава затоа што таа е голема фирма и го има пазарот.

Тоа е најпростата дефиниција која можев да ја ископам.

Е сеа, каде се Македонските фри лансери? Мислам дека нашите деца, компјутерџии, дизајнери и креативци можат да заработуваат добри пари со овој бизнис, иако кај нас овој метод на работење е многу малку застапен.

Еве неодамна открив еден сајт (и се мавам по глава како не го пронајдов сајтот пoрано), кој е измислен за да слободните играчи - програмери и дизајнери да го продадат твоето знаење на целиот свет.

сајтот е: http://getafreelancer.com

Тука едноставно можете да си направите сметка и да ги прегледувате побарувањата на фирмите и нивниот буџет за тој проект. Аплицирате, и ако вашиот производ е најдобар или ако тој производ му се допадне на клиентот вие заработувате онолку колку што сте побарале во апликацијата.

Познавам неколку дечки кои дома во пижами си работат и зараборуваат добро.

Овој сервис е достапен и за Македонските корисници, има опција за исплата преку Чек, и тоа чекот го испраќа сервисот, а не клиентот.

Програмери, Дизајнери - Обратете се на 2 милијардитиот интернет кориснички свет, продајте ја својата креација на вистинските луѓе кои плаќаат вистински за вашиот труд. Не заглавувајте во фирмите како што е Сивус да рударите по цели денови и ноќи за смешна плата и никакви работнички права, не работете во македонските ебани списанија кои те „фаќаат за г’з“ нудејќи ти 200 евра месечно за неделен весник каде има работа под притисок.

Сума сумарум - Македонските креативци одамна го загубија достоинството работејќи за никаква плата во компаниите, тие се креативци а нивната креација е скапа! Тоа светот го знае, само што ние сме последната дупка од свиралото… Чукнете ја главата и зачувајте го достоинството, наплатете го својот труд.